رأي الرقميات

07/04/2012 22:21:25

خمسة اسباب لماذا عليك ان تتوقف عن تصليح اي كمبيوتر لأي شخص مجانا

اخي وحبيبي ان كنت من شلتنا خبراء الكمبيوتر والانترنت يعني "كمبيوترجي محترف" - قف واستمع جيدا لمحدثك الذي يريد مصلحتك بكل صدق واخلاص، لا تقلل من اهمية خبرتك، انت بمعرفتك بمداواة علل الكمبيوتر والانترنت لست باقل من الطبيب مداوي الامراض والعلل، فلا تقلل من شأن موهبتك ابداً.

صديقك - حبيبك - قريبك - جارك ... الخ لن يقدر خدماتك هذه حتى وان تبسم في وجهك وشكرك جزيل الجزيل بعد ان اصلحت له جهاز الكمبيوتر، بل في جميع الحالات وفي الاغلب سيظن انه أسداك معروفا بان سمح لك ان تجرب وتصلح كمبيوتره! بل وسيعتقد انه قام بعمل جيد بعد ان سمح لك ان "تحقق ذاتك" وتصلح كمبيوتره، صدقني اخي الحبيب هذه هي الحقيقة المرة.

مرت علي فترة كنت احب عمل الخير والتبرع باصلاح كمبيوترات الاصحاب والاقارب بالمجان، مع مرور الوقت تكبر وتكثر اشغالك وانشغالاتك ومسؤولياتك ولكن لا يرحمك لا الاصحاب ولا الاحباب، فاذكر عندما كنت اعيش في نابلس وبينما اكون شديد الانشغال في البرمجة واحاول سرقة الدقائق من وقت نومي او استراحتي لانجاز العمل في الوقت المطلوب - اجد احد الاقارب قد جاء بكمبيوتره دون احم ولا دستور وقد اقتحم عليك البيت فجأة كانها عملية اقتحام اسرائيلية - راميا الكمبيوتر بين احضانك طالبا منك اصلاحه في الحال دون ان يتزحزح من فوق راسك حتى لو استغرق عملك ساعات - فلا مشكلة لديه - فهو يعتقد انك لا تفعل شئ غير بضع ضغطات على لوحة المفاتيح والماوس.

للاسف الشديد نحن العرب وبكل صراحة عندنا خلل في اساليب التعامل، اذكر انني وفي السنة الاولى من قدومي الى لندن كنت قد استئجرت غرفة للسكن مع احدى العائلات، كنت اقضي الكثير من الوقت مع ابنهم وكنا مثل العائلة الواحدة، لكن عندما اراد الاب مساعدتي في مشروعه - سئلني كم ستكون تكلفة تطوير تطبيق معين وتجهيز سيرفر يعمل بنظام ريد هات انتربرايز، اذكر انني كنت في حيرة من أمري، ربما لانني لم اتعود في التعامل مع العرب ان يبادر الشخص بالسؤال عن التكلفة، هيهات هيهات ... فاغلب الذين تعاملت معهم في نابلس يعشقون المماطلة في الاتفاق على التكلفة المادية حتى يقرفوك عيشتك، والاحتمال الاخر انني كنت اعتبر نفسي قريبا من هذه العائلة وببساطة يمكنني ان اقوم بهذه المهمة حتى بالمجان كما تعودنا في عاداتنا العربية الاصيلة.

السبب الثالث انني ما زلت طازة في لندن وليس لدي فكرة عن الاسعار في هذا البلد، المهم انه كان يجلس معنا قريب لهذه العائلة وكان يعمل مبرمجا لتطبيقات جافا في شركة لندنيه ولذلك فكان يعرف الأجر الذي علي ان اتقاضاه فاشار لي بيده ان اطلب خمسة، بصراحة اعتقدت للوهلة الاولى انه يقصد خمسمئة باوند ولكني تشجعت وطلبت خمسة الاف باوند - ما يساوي عشرة الاف دولار في ذلك الوقت - وكنت منتظر ان يبدأ الرجل بالمفاوضة حول السعر كما تعودت في نابلس الا ان الرد كان بالموافقة.

استغرقني العمل ما يقارب من الشهر والنصف وصدقني اخي الحبيب انني قمت باعمال في مدينتي نابلس اضعاف هذا المشروع ولم اتقاضى سوى ربع او خمس ما تقاضيته هنا، الان وبعد مرور عدة سنوات استنتجت نتيجة مهمة للغاية ألا وهي انك انت من يحدد قيمة جهدك.

تذكر هذه المقولة جيدا : انت من يحدد قيمة جهدك

يمكنك ان تكون "ميكانيكي" كمبيوترات العائلة المجاني الذي لا يحترم احد وقتك ويمكنك ان تكون مستشار تقني في احدى الشركات المهمة، ذلك يرجع اليك، انت من يحدد، فالناس لا تعرف مثلا بانك مختص بتطوير حلول تقنية معقدة او بالمساهمة في كتابة نواة لغة برمجية جديدة ستغير مجرى التاريخ مثلا مثلا... انت بالنسبة لهم وفي داخلهم دون ان يذكروه "مصلح الكمبيوترات المجاني" - الذي يوفر عنهم دراهم قليلة لا اكثر ولا اقل، و انت من جعلهم ينظروا لك بهذه الطريقة.

اتمنى ان تكون اقتنعت باهمية خبرتك واقتنعت بانه يتوجب عليك التوقف عن اصلاح كمبيوترات الناس بالمجان - انا انصحك ان تتوقف عن اصلاحها كليا حتى لو بمقابل - فانت لست مصلح تلفزيونات وراديوات - انت مطور تطبيقات للويب او لسطح المكتب - مصمم جرافيكس - مدير انظمة تشغيل لينوكس او ويندوز - مطور تطبيقات للموبايل - مدير قواعد بيانات ... الخ

اسرد لك الان باختصار خمسة اسباب لماذا عليك التوقف عن اصلاح الكمبيوترات مجانا بعد اليوم:

السبب الأول : اذا انشطب الكمبيوتر فحضرتك من سيدبس فيه ويضطر لان يشتريه.
عندما تبدا بعملية تصليح الكمبيوتر فكانك وقعت على عقد بينك وبين صاحب الكمبيوتر ليس عقدا مكتوبا وانما عقدا معنويا مع صاحب الكمبيوتر فالجهاز بالنسبة له كطفله المريض وانتا الطبيب المعالج، في كثير من المرات وبينما تحاول اصلاح خلل ما يتعطل شئ اخر في الجهاز ولا تكتشف ذلك الا بعد ان يتصل عليك صاحب الجهاز في اليوم التالي ليتهمك بتسببك بالخلل قائلا "اعتقدت انك كنت تصلح الجهاز لا انتا تعطله"، لهذا السبب عليك البدء بتقاضي أجر مقابل اصلاح اي شئ حتى تضطر الى تحمل خراب الجهاز حتى ولو كنت تصلحه مجانا.

السبب الثاني : الناس لا تحترم الاشياء المجانية
انا نفسي الاحظ عندما اشتريه جينز رخيص كيف لا اهتم به وكيف اهتم بالجينز الغالي الثمين حتى لو كان الارخص اجمل، كذلك الخدمات: فالخدمة المجانية يسميها الناس خدمة ، لكن الخدمة المكلفة فيسميها الناس استشارة.

السبب الثالث: الناس ستتوقع منك هذه الخدمة المجانية الى الابد
لو قمت بهذه الخدمة واصلحت كمبيوتر جاركم لانه كان لديك الكثير من وقت الفراغ عندها فهو لن يفهم ذلك بل سيعتقد ان هوايتك هي اصلاح الكمبيوترات ٢٤ ساعة في اليوم ٧ ايام في الاسبوع دون توقف، ذلك ان الناس تفهم الامور على مزاجها وبالطريقة التي تعجبها، لذلك ستدرك بعد قليل انك جلبت لنفسك مصيبة لا نهاية لها.

السبب الرابع : الطلب و وجعة الراس ستزداد يوما بعد يوم
"كمبيوتري خربان ولازم ابعته عند المصلح - ليش هالتكاليف اعطيه لمحمد بصلحلك اياه ببلاش"
"الغسالة خربانة؟ نادي محمد بركن قدر يصلحها مهو شاطر بالكمبيوترات"

السبب الرابع : ضياع الوقت
اعطيهم الاصبع - بياخدوا الايد والرجل .. وراح يطلبوا تحديث الويندوز كل ما تصدر نسخة احدث وراح يرن موبايلك كل ما طلع فيروس جديد او حتى اذا تم الاشتباه بوجود فيروس - باختصار سيقومون بسرقة وقتك واستغلالك الى ابعد الحدود والمصيبة دون تقدير لمعروفك بل اذا في يوم ما قدرت تساعدهم لظرف طارئ راح يسبوك ويلعنوك وراح ينسوا الساعات الطوال اللي خدمتهم فيها.

السبب الخامس: التأثير السلبي على حياتك العملية في المستقبل
كل هذا سيؤثر بصورة سلبية جدا على مستقبلك، وسيجعلك مترددا في طلب اتعابك مقابل خدماتك اثناء عملك المستقبلي، فنحن خجولون بطبعنا في تقاضي رسوم مقابل الاستشارات التي نقدمها، لذلك نلجأ الى ان نرسل ايميل مرفق به فاتورة الرسوم - واستنى يا حسن ... وبصراحة عندنا اهل العروبة من الاستحالة ان يتقدم الشخص ويدفع ما عليه من مستحقات من تلقاء نفسه دون ان ينشف ريقك ويطلعلك شجرة في نافوخك، فتعلم من البداية أن تتقاضى اجرك قبل ان يجف عرقك.

وفي النهاية صديقي الكمبيوترجي.. عليك ان تكون واضح ووقتك محدد، اما ان كانت مهمتك تركيب نظام تشغيل لاحد الاجهزة ولكن نشامتك وشهامتك أبت الا ان تقوم ايضا بتنزيل حزمة أوفيس وأدوبي فوتوشوب وكم برنامج من هون وشوية برامج من هناك تبرعا من سيادتك، فتاكد ان ذلك اكبر خطأ تقوم به، اولا انت تضييع وقتك، ثانيا كان بامكانك ان تسئل الشخص ان كان يرغب بحزمة كذا وكذا فان ذلك سيكلفه مبلغ كذا وكذا، او مثلا ان تتقاضى مقابل كل ساعة "هنا ملائكة الكمبيوتر يأتون لبيتك على دراجات سكوتر في لندن ويتقاضون مقابل كل دقيقة" - تقديم الخدمات المجانية سيجعل الشخص يعتقد انك لا تعرف ما تقوم به وان خدماتك ليست بالمستوى الجيد لانك تقوم بتوزيعها مجانا - المثال عندنا بيقول "اللي بتهون عليه نفسه بيهون على الناس".


مشاركة/حفظ

الكاتب: -

مصدر الخبر: جمال شاهين

عودة عودة إلى رأي الرقميات عودة عودة إلى الصفحة الرئيسية طباعة طباعة إرسال إلى صديق إرسال إلى صديق

التعليقات

  • من قبل ANAS في 08/04/2012 00:55:09
    100% صح
    ههههههههههههههههههههههه قسما بربي هاد يلي بيصير فيني لما صلح لابتوب او موبايل شي بني ادم من الاقارب المحترمين :S
  • من قبل MHD في 08/04/2012 02:39:14
    مقالة روعة شكراً لكم
    مقالة روعة بجد شكرا
  • من قبل MHD في 08/04/2012 02:39:24
    مقالة روعة شكراً لكم
    مقالة روعة بجد شكرا
  • من قبل كمبيوترجي خبير في 08/04/2012 02:40:25
    قصة حقيقة بجد
    مو طبيعي بجد هالمقال بتعبر عن معاناتنا شكرا كتير الكم يا رقميات
  • من قبل MEMO في 08/04/2012 02:41:28
    ههههههههههه
    لا كلو كوم وقصة انو اذا بتصير تدرس معلوماتية لازم تعرف كل هالقصص كوم .
  • من قبل معلوماتي فهمان في 08/04/2012 02:42:39
    هههههههههههههههه
    ههههههههههههههههههههههههههههه فعلا فعلا حطو ايدكم على الوجع
  • من قبل معقد في 08/04/2012 06:53:54
    القصة معقدة
    كلامك مزبوط 100% وصار معي ولسا عم يصير ، بس هاد ما بيعني اني ما حتم ساعد الناس الي قصدوني بخدمة فنحنا اسلامنا علمنا أنو نخدم بعض "وكان الله في عون العبد ما كان العبد في عون أخيه" أو كما قال رسول الله صلى الله عليه وسلم ، ولكن أنا لازم يكون عندي نظرة قدر مقدار الخدمات يلي بقدمها ماتكون على حساب وقتي أو ضرر لألي وبتهرب بطريقة لبقة ما يكون فيا ازعاج للشخص الآخر . بس وينا من الإسلام ؟!!!
  • من قبل ميكانيكي كمبيوترات في 08/04/2012 10:24:31
    حطيت إيدك على الوجع
    سبحان الله .... كأنك قاعد معي ..... ^_^
    خلص أقنعتني ... ^_^
  • من قبل OPADA-Eng في 08/04/2012 13:14:14
    والله درر
    يا سيدي كلام رائع وملاحظ كتير وخصوصي عنا :( كنت اقرف حياتي من هالقصص هيك لحتى خلصت منها كليا .. والحمد لله
  • من قبل أيمن في 08/04/2012 13:27:17
    كلام محترم بجد
    كلام صحيح وواقعي جدا جدا ، انت لما تطلب مقابل اتعابك مش معنى كده انك انسان مادي بل معنى ذلك انك بترفع من شأن نفسك ومن قيمة ما تعلمته طوال سنوات خبرتك التي حصلتها من خلال العمل الشاق والمجهد وكذلك من الناحية الأخرى يجعل الشخص الذي تقوم بإصلاح جهازه يحترمك ويقدر جهدك وأن يكون حريص في استخدامه للكمبيوتر لأنه يعرف في قرارة نفسه أنه سوف يدفع عند حدوث أي خلل .
  • من قبل tAhEr في 08/04/2012 15:37:53
    trUe 1000%
    وربي كلامك درر ومجوهرات وعلى ئولت المتل ((يلي بيخجل من بنت عمو مابيجيه ولاد)) أسف على هالمتل بس فعلاً معبر عن هالحاله
  • من قبل رامز في 08/04/2012 15:39:53
    كأنك عم تحكي عني !!!!!!
    للأسف لما تنشغل بغير شغل و يزيد طلبات العالم و مانك فاضيلن بنوب ...بس يشوفوك بيبزء بوشك و كأنوا الحق عليك انك مانك فاضي و لازم تلبيه فورااا

    اففففففففففففف
  • من قبل OPADA-Eng في 08/04/2012 17:49:37
    والله درر
    يا سيدي كلام رائع وملاحظ كتير وخصوصي عنا :( كنت اقرف حياتي من هالقصص هيك لحتى خلصت منها كليا .. والحمد لله
  • من قبل Murad في 08/04/2012 17:51:38
    ياريت بس شغلة كمبيوترات...
    والله شغلة تصليح الكمبيوترات صارت معي أكتر من مرة...

    نفس الشخص صلحتلو كمبيوترو أكتر من مرة ومرة من المرات كان مخبص فيه كتير فماقدرت صلحو وعينكم تشوفو وكأني مابفهم شي نهائيا..... ياسيدي ...قال ماناقشت جاهلا إلا وغلبني وماناقشت عالما إلا وغلبني...

    النهفة مو هون .....النهفة أنو صارت الشغلة عم تصير معي بمواد عم درسها متل الرياضيات...

    بعطي الطالب الثانوي رياضيات وبكون مستواه ضعيف وبطلعلي روحي ...وأحلى شي بقلك أبوه والله ماعم يدرس !!!....
    طيب بدي أترك الطالب بعد 5-6 دروس وبعد ماتعبني وكرهني الساعة يلي قبلت درسو فيها بحطو الحق علي وبطنشو عن الأجرة مع أني بكون مراعيهم كتير ونحنا من طبيعتنا مامنحكي بالمصاري ومامنطالب فيها بس الشغلة شغلة مبدأ ...يعني هنن يقومو بواجبهم ويعرضو ونحنا منسامحهم بس مو هنن يسامحو حالون بحالون !!!....

    يالله...الواحد مابيتعلم إلا من كيسو....

    خير تعمل شر تلقى
  • من قبل مهندس.زهير في 12/04/2012 22:14:36
    ذووووووووق
    والله كلام صحيح 100% .......انته كاعد تقرة افكاري
  • من قبل رشاد كامل في 13/04/2012 21:55:23
    ليست جديدة
    الحقيقة انه ومن بدايات دخول الحاسب الشخصي الى سورية وانا أعاني من هذه الظاهرة
    ولكن في الواقع يجب ذكر انه على أيامنا كانو يعشونا ويضيفونا كاتو ويحترمونا كتير
    ولكن بدون مصاري
    هذا كان في بداية التسعينات
    ولكن الان أظن ان اكثر ما يمكن ان يحلم به مصلح الكمبيوتر العائلي هو حاسة شاي
    والسؤال
    لما استطاع بائعي الموبايل يحاسبو الزبائن على اي تطبيق بيضيفوه او إصلاح الموبايل وجماعة الكمبيوتر لا
  • من قبل غيفار سليمان في 14/04/2012 15:51:13
    جواهر
    عم تحكي درر وجواهر
    بيضربوك بمنية انك صلحت الكمبيوتر
  • من قبل Khaled Abu Daqqa في 18/04/2012 16:09:54
    no problem
    لا مشكلة في خدمة الجيران والأصدقاء,, نحن العرب نمتلك أخلاقيات لا نظهرها ظانين أنها سيئة
    وما الغرب إلا تزيين لأخلاقنا فقط
    يكفيني أن أخدم أبناء بلدتي, وتكفيني دعوة من قلب شخص من مليون شخص لي

    أكون سعيد جدا عندما أخدم الآخرين سواء كان بمقابل أو بالمجان.
  • من قبل ahmad في 22/04/2012 02:15:08
    تعددت الاسباب والموت واحد
    هههههههههههه انا كنت مفكر العلة بس فيني طلعت العلة مشتركة عند الجميع شوفولي بقى قصتي انا ما أحلاها
    هاد ياسيدي كنت اشتغل بمحل موبايلات بالبداية وكنت اخدم الاصدقاء والقرابة من العائلة بهالشغلة يعني اليوم لازمو تطبيق نزلو ياه واليوم بدو يحدث موبايلو واليوم بدو ينزل النغمة فلانية وكلو بالمجان كنا نقول يالله شغلة مو محرزة مو دافعين شي من جيبنا تركنا شغل الموبايلات بس وقعدنا بالبيت نتسلى بالكمبيوتر والدارسة شوي اي الكل بفكروك مصلح العائلة هاد الي لازمو برنامج وهاد كمبيوترو مو راضي يشتغل وهاد وهاد وانت خدوم بتشوف الناس كلا وطبعاً كلو بدون اخذ الاجر بلأضافة بجو لعندك ما انت كنت تشتغل بالموبايلات وانت بتفهم بتصليح وسوفت وير وهارد وير يعني صارت الشغلة كمبيوترات وموبايلات بالمجان
    ملينا من قعدة البيت وفتحت كافي نت قلت منكسب معيشتنا
    احمد صار هون مصلح موبايلات وبفهم بالموبايلات احمد بفهم وبصلح الكمبيوترات وعندو كمبيوترات كتيرة وعلى طول نظام الي عندو بالكمبيوترات محدثة احمد عندو نت سريع شو بلزمك بتلاقي عندو على سريع ما احمد فاضي وماعندو شي قاعد 24 ساعة على النت خلي يتسلى بجهازك ويصلحو وكلو ببلاش الله وكيل قرفوني الكمبيوترات
    بس شكراً على النصايح والله اجت على الوجع وحاسك قاعد معي هههههههههههههههههه
  • من قبل فرح في 14/05/2012 10:24:48
    كلام سليم
    المشكلة هي ان الناس اصبحت لا تفرق بين مهندس الكمبيوتر او التقني الذي امضى سنين يتعلم و يقوي من خبرته و بين الغر الذي يجيد تنزيل النظام و البرامج " كللو عند العرب صابون" و كلو اسمو كمبيوترجي .. لا يهم ان كنت مهندس نظم او مطور مواقع ويب او مبرمج .. انت ابو الفرمتة !!!!!
  • من قبل ادلبي في 16/05/2012 15:22:43
    السبب السادس
    اكتشفت انو معظم يللي عم يحطوا كمبيوتراتهم بحضني بيعرفوا يللي أنا بعرفوا ولما واجهت 2 منهم بالحقيقة قال الأول بحس أنو شغلي أحسن والتاني الأوقح قال أنا وقتو غالي وكأنو أنا وقتي مالو قيمة ؟؟؟؟!!!
  • من قبل ابو حنان في 03/06/2012 17:32:14
    والله واقع
    والله بالنص حصلي كذا وبطلت اشتغل اي كمبيوتر مجاني او بفلوس وكان المجاني اذا ما صلحت ينهالوا عليك بكل قبيح والله انه واحد يخبط الباب الساعه 12 ليلا ويقول حدث لي مكافح الفيروسات اتخيل وانت ملان نوم
  • من قبل ربيع في 04/06/2012 20:36:28
    موضوع نادر
    مقال رائع
  • من قبل yasir saad في 07/06/2012 12:18:30
    صح
    صايرة بية
  • من قبل أوس في 26/06/2012 08:12:27
    كلام سليم 100%
    هذا بالضبط ما يحدث في الواقع معي ومع كثير المهتمين في هذا المجال
  • من قبل حسين في 26/06/2012 16:53:22
    فات الأوان
    تأخرت عني ثلاثون عاما وكأنك تحكي قصتي حرفيا وياليتها وقفت عند الكمبيوترات فقط ...آخخخ لقد تأخرت كثيييييييييرا
  • من قبل حسين في 26/06/2012 16:54:56
    فات الأوان
    تأخرت عني ثلاثون عاما وكأنك تحكي قصتي حرفيا وياليتها وقفت عند الكمبيوترات فقط ...آخخخ لقد تأخرت كثيييييييييرا
  • من قبل رافي في 27/07/2012 00:18:50
    مو ديماً
    صحيح قد لا يقدرأحد تعبك وقد يركبون على ظهرك
    ولكن الضربة التي لا تكسر الظهر تقويه
    وكل هذا خبرة
  • من قبل كومبوترجي في 29/07/2012 16:58:43
    على الوتر
    والله ضربت عالوتر الحساس، حلوة المقالة يسلم اديك
  • من قبل نديم في 21/08/2012 00:41:15
    حلوة المقالة
    المقالة صح 100% والله لازم نفهم بقا
  • من قبل محمد في 21/08/2012 06:10:04
    حسستني اني حمار ههههههههههههههه
    بجد وقت قريت هل الحكي حسيت حالي مابفهم :)
    كتير من الاوقات بياخد معي الجهاز شغل بلاوي واحياناً بحط قطع من عندي بتكون كسر موجوده عندي وماباخد حقها بقول يلا معلش جاري او رفيقي او قريبي :)
  • من قبل RamiMawed في 02/09/2012 12:17:33
    كانك معي والله
    والرب كانك عم تحكي عن كل يوم بعيشو وخصوصا هل مقولة :
    "كمبيوتري خربان ولازم ابعته عند المصلح - ليش هالتكاليف اعطيه لمحمد بصلحلك اياه ببلاش"
    "الغسالة خربانة؟ نادي محمد بركن قدر يصلحها مهو شاطر بالكمبيوترات"
    ههههههههههه انو مرة جابولي مايكرويف ؟؟ انو عنجد انا معك 100% ويعطيك العافية
  • من قبل امجد3 في 22/09/2012 07:45:55
    مين يلي كاتب المقال
    اخي لاتخاف بس واحد يتدايق من صديق اوقريب مارح يصلحه الكمبيوتر ورح يتجاهله . انا شايف انو عيب على موقعكن المحترم تحطوا هيك موضوع , لانه بصراحه يعبر عن الاخلاق الغير حميده بالمجتمع , وحسيت انو في درجه كبيرة من حب النفس والذات بصاحب المقال . وبشر مصلحين الكمبيوتر انو الناس بلشت تفرمت لحالها وكل الشباب صارت فهمانه بقطع الكمبيوتر , بقى لاتفكر يا صاحب المقال انو بس حضرتك يلي بتعرف تصلح كمبيوتر ,واذا كان وقتك كتير ديق فيك تعتذر مو هالقصة الكبيرة , اساسا عيب الواحد يقرا هيك موضوع
  • من قبل جواد في 12/10/2012 23:30:14
    كلامك جواهر
    انا مطور برمجيات ولدي خبرة سنوات في مجال عملي و قد حدث معي نفس الموضوع و لكن على مستوى اعلى حيث بدات حياتي المهنية في احد المؤسسات العامة حيث للاسف كانوا يعتقدون ان اي مختص في مجال الحواسيب و مهما كانت خبرته عالية فهوا في النهاية (فرمتجي) لا يفقه شيئ في الحاسوب سوى الفرمتة فمنذ ان بدات عملي في هذه المؤسسة و قد بدات الكمبيوترات تنهال عليا من كل حدب و صوب ولا كن ليست هنا المشكلة المشكلة عندما طلب مني مدير الدائرة ان اصلح احد الحواسيب و ما كان مني الا ان اردّ عليه ب الرفض فقام و سألني احد اغرب الاسئلة في حياتي (ليش شو شغلتك عنا ب المديرية ) مع انني قد وفرة على المؤسسة المذكورة اكثر من 500000 ليرة بتطويري احد اكبر المشاريع البرمجية في الموسسة فكان ردي و بكل بساطة (فرمتجي)
  • من قبل مهندس معتر في 13/10/2012 02:04:58
    كمبيوترجي
    و الله كلامك رائع و صحيح مية بالمية

    لدرجة مرة من المرات جدي الله يرحمو كان موجود معي بزيارة لاحد الاقارب

    فسألهم تلفزيونكم عاطل او الريسيفر بدو تصليح

    ليكو ابن ابني بيشتغل بالكمبيوتر و بيعملكم ياه

    فعلاً مهندسين الكمبيوتر في البلدان العربية مهضوم حقهم تماماً و بالنسبة لعائلاتهم مثلهم مثل تقني الكمبيوتر المسؤول عن الصيانة و تنزيل التطبيقات

    مع احترامي الكامل للتقني
  • من قبل نزااار في 18/10/2012 18:36:36
    هاد الواقع 100 %
    كل هالحكي صح ههههههه خصوصي وقت بتخرب شغلة صغيرة او بيعلق شي انت السبب والمسؤول الأول والاخير
    وبيقلك قبل ما كان كمبيوتري هيك كان أحسن هههههه
  • من قبل LIKE في 07/11/2012 13:05:14
    LIKE
    ياريت تعملوها شي بوست صغيرة مع صورة حتى نشاركها وتحس هالعالم بقى
  • من قبل محمد في 07/11/2012 20:14:31
    واقع عايشو
    للاسف كلام صحيح 100% و عم نعاني من هالمشكلة...مو بس هارد وير, كمان سوفت وير
  • من قبل أنس في 13/11/2012 20:58:51
    معلم
    كلام صحيح وواقعي
  • من قبل بلال في 08/12/2012 10:02:09
    حطيت عل الجرح ملح
    أنا آعد عم اقرأ المقال وانا مبسوووووط
    وحاسس انو طلع في حدا بهل الدنيا عم يحس بوجعي
  • من قبل عمر في 24/12/2012 14:23:43
    لك آآآآآخ
    غرغرت الدمعة بعيني وانا عمبقرا .... حسيت حالي انو انا عما يصير معي هيك .... حتى إذا بعتو شي كمبيوتر وبعد شي 5 سنين انخرب الجهاز لأنو ابنو صار يجرب يحط الكيبورد بأي منفذ وضرب البيوس ... بيقول انو انته ضحكت عليه بهالبيعة
  • من قبل محمود في 31/01/2013 21:43:39
    بيهربوا لما بيسمعوا كلمة ادفع
    انا لما واحد بده اصلحله شيء بقله مباشرة السعر
    فبتلاقيه كانك طخيته بين عينيه
    صحيح في ناس بتدفع بس الاغلب بده مجاني
    و انا ابدا مش مستعد
  • من قبل bashar في 31/01/2013 23:50:28
    والله صدق
    والله صدق القائل أنا أعمل منذ 24 سنة في هذا المجال والله صفيت أخر الناس غير صار عنده شركات وأنا هلاء عبدور على عمل ولكن أجري على الله لم أندم على مافعلت من مساعدة الجميع وشكر
  • من قبل Basel في 01/02/2013 06:39:55
    كلام سليم
    و الأحلى من هيك أنو بكون عندك امتحان و كل العالم بتعرف و بيجي واحد بدق بابك و بقلك الحقني الفيس بوك ما عاد اشتغل !!!!!!!!!!؟
  • من قبل أبو النور في 01/02/2013 13:56:42
    أي والله ............
    بربي أنك واحد فهمان ... وشكلك معاني من المشكلة وطابس فيها للعضم .... يا جماعة سمعو من أخوكم وتربوووو D:
  • من قبل مصطفى الخالدي في 01/02/2013 19:42:10
    خطآ
    نوع من انواع الانانيه ، بخل ، (عذرا)
  • من قبل قصي في 01/02/2013 22:24:35
    والله صح كلامك صح
    والله وانا هاد الشي يصير بصير معي اي بربي بكون بشغلة بصير بألبف شغلة
  • من قبل Fresh في 13/02/2013 23:53:21
    حطيت ايدك عل وجع
    و الله انا بالفعل من هدول الأشخاص يلي بيستحو يطلبو اجرة ايدن :(
    بس لازم غير هل شي و اطلب اجرة تعبي.
    لاعيب و لاحرام!
    و غير هيك .... اسمو تضيع لللوئت و لازم اعتذر منن.
  • من قبل سامي في 17/03/2013 23:10:27
    رائع
    مقال روعة
  • من قبل كمبيوترجي عايف حالو في 08/04/2013 22:12:29
    نفس الشي
    انا نفس الشي صاير معي و خصوصا انو العالم اخر فترة صارت قليلة ذوق عالأخر خصوصي اللي اخدين وش عليك و كأنو انت موظف عندون وبالأخير بعد ما تصلحلو كمبيوترو و تنزلو كل شي بدو اياها بعد كام يوم بيجي بعاتبك ليش مفتاح الكاسبرسكاي صار بلاك ليست معناتها انت ما بتعرف شي بهالمصلحة. و حتى بالموبايلات كمان على حدثلي السوفتوير و عملي جيلبريك و بتقلو يا حبيبي الجيل بريك تبع نظامك لسا ما نزل بقلك اي رفيقي معو نفس الموبايل و معملو جيل بريك و اذا بتسألو شو هادا الجيل بريك بقلك ما بعرف!!!!!!!! و الله الصراحة صاير ما حدا بنوب بينعطى وجه الا من رحم ربي
  • من قبل شلاي في 16/04/2013 23:40:34
    لك عن جد أنا حمارررررررررررررر معبى بنطلونو
    المنيح لألون و العاطل لألك
    مع فضيحة سيد راسي ... بين العيلة
  • من قبل بياع بليلة احسن في 26/04/2013 06:49:04
    لان الناس ما بتستحي
    انا من فترة ست شهور انتقلت ع بيت تاني طبعا اتعرفنا ع جارنا طلع الزلمة ع اساس محترم من كلمة لكلمة عرف اني مهندس كمبيوتر سنة تخرج طبعا فورا زتلي ياه بحضني بس لو وقفت ع كمبيوتره نص مصيبة بس صار جاييني 7 كمبيوترات اقسم بالله ع هاد لاخوه و هاد لرفيقو و قريبو و الاحلى بيدقولك باي وقت بدون احترام و لك حتى ما بيعرضو عليك ليرة ولا بجيبولك شغلة لو حتى زوج جرابات( طبعا من نيتو ع حالو ) وهو عندو محل بتروح بتشتري متلك متل الغريب اخخخخخ بس تخلصلو الكمبيوتر بقلك ماشا الله معلم يعني انفخوا و شوف ما اجحشوا و لا اتذكرت احقر عبارة سمعتها منو قال انا بحياتي ما دفعت حق مرمتة اتخيل عم ادفع حق فرمتة هععععع شو بالله مو الله يلعن هيك جار ما اقل ذوقو طبعا غلطة بس اخ لو حدا يقلي كيف اخلص منو لان كرهت حالي
  • من قبل eyad في 17/06/2013 03:39:44
    ضيعت عمري معاااك
    انا ما اتوقعت يكون هالعدد الكبير من الردود قبل ردي..و يمكن احكي وما حدا يقرا حتى كلامي - متل ما انا عملت بالشباب اللي قبلي - بس رح احكي :

    "اعتقدت انك كنت تصلح الجهاز لا انتا تعطله" سمعتاااااااااااااا اكتر من كلمة الله يعطيك العافية :(

    " كل هذا سيؤثر بصورة سلبية جدا على مستقبلك، وسيجعلك مترددا في طلب اتعابك مقابل خدماتك اثناء عملك المستقبلي، " .. مليون بالمية صح .. انا حاليا اعمل في محل صيانة موبايل و لابتوب.. صدقني عند تصليحي لاي لابتوب تخجل من طلب المبلغ المستحق.. من كم يوم صلحت كبسة للتاتش ماوس لابتوب ASUS .. كلفتني ساعتين من وقتي و لو مصلح غيري كان حط وحدة جديدة و ثمنها 20دولار.. انا صلحتا بمجهودي الذي اخذ ساعتين من وقتي و بالآخر استحيت من الزبون و اخذت منه 4 دولار فقط :( و حسيتا كتيرة كمان

    موضوع رائع ولا عجب انه حصل على اعلى نسبة من الـ Like في كل صفحات موقع الرقميات :)
  • من قبل mohand في 04/08/2013 15:37:13
    lol
    كلامك صح 100%
  • من قبل حيدر في 24/09/2013 01:40:34
    معو حق
    والله معو حق...مصلح الكمبيوترات صار متل الدكتور بهالوقت وحتى انو الواحد اذا مرض ممككن ما يروح عالدكتور اما اذا تعطل كمبيوترو او مبايلو فورا عالمصلح
  • من قبل william في 09/10/2013 23:31:31
    يا سيدي انت نمر
    والله لأعمل هيك

أضف تعليق


تصنيفات الموقع